Bon Bini na Antara Medical Center Aruba

DESCUBRI ANTARA MEDICAL CENTER ARUBA!

Bon Bini

Name: Antara Medical Center
Address: 82A, Noord, AW
Telephone: +297 2806146

Na Antara Medical Center Aruba nos ta dedica na ofrece un cuido medico holistico teniendo cuenta cu e necesidadnan di nos pashentnan.

Un aspecto importante di nos trabou ta educando nos pashentnan pa asina hunto por tuma decisionnan informa tocante nan mesun salud mental y fisico. E autonomia di nos pashentnan ta primordial.

Conoce Antara Medical Center

Traha un Cita

Sea asina amabel di informa nos cuanto preocupacion ta desea di papia cu dokter. Esaki lo juda nos planea e bishita mas mihor. Nos ta aprecia esaki masha hopi mes.

+297 2806146

Ripiti Remedi

Si mester di un remedi chronico cu a caba manda nos un mensahe via whatsapp pa ripiti e receta di dokter y nos ta percura pa e mesun dia e receta bai na botica.

+297 6994898

Caso di Emergencia

a12805_f2928b8d451d4840ba200bcf819ea3a0~mv2.png

Den caso di un emergencia cu ta forma un peliger pa bida, por fabor jama 911 mesora.
Pa cualkier preocupacion medico urgente cu mester di atencion e mesun dia, por fabor tuma contacto cu nos directamente na e number abou y primi 1. Nos tei pa yuda!

+297 5666326

NOS SERVICIONAN

Keur pa rijbewijs

Ta posibel pa keur pa rijbewijs of vaarbewijs.

Consulta Medico

Nos ta ofrece consulta medico na nos clinica. Si ta desea, nos por duna un consulta tambe via telefon, e-mail, videocall, of nos por haci un bishita na cas.

Audiografia

Audiografia ta un test di oido cu ta evalua e abilidad pa tende diferente zonido, tono y frecuencia. Nos ta hasi e test aki pa diagnostica perdida di oido, evalua e salud di oido, of monitor cambionan den oido den transcurso di tempo.x`

Monitor di presion di ambulatorio

ABPM (monitor di presion di sanger ambulatorio) ta midi presion di sanger durante 24 ora mientrastanto bo ta hasi actividad diario. Nos ta haci esaki pa diagnostica hipertension, evalua eficiencia di tratamento, y evalua variacion di presion di sanger.

Examinacion di Wowo

Nos examen di wowo ta cu un microscop special pa analisa e compartimento dilanti di e wowonan, incluyendo e cornea, lens y iris, cu magnificacion halto, un tonometer pa midi presion di wowo, fundoscopia pa inspecta e retina y un test di bista.

Echo punto di cuido

Echo punto di cuido ta provee imagennan den tempo real di organonan abdominal pa evalua condicionnan manera dolor, trauma of acumulacion di likido. Nos ta haci esaki pa diagnostica liher y exacto y pa guia decision di tratamento.

Spiraal of Implanon

Un Spiraal y Implanon ta metodonan anticonceptivo efectivo y reversibel. Un spiraal ta un aparato chikito hinca den e matriz, mientras cu Implanon ta un bara chikito bou di e cueru den e brasa. Cada procedura ta tarda 30 minuut.

Inyeccion intra-articular

Inyeccion intra-articular ta wordo husa pa pone remedi directamente den un scarnir (gewricht) pa reduci dolor y inflamacion pa condicion nan manera artritis, bursitis, of lesion nan di scarnir ora otro tratamento nan no ta suficiente.

Registracion ECG cu evaluacion

Un ECG (electrocardiogram) ta registra e actividad electrico di e curason. Nos ta haci esaki pa diagnostica condicionnan di curason of evalua sintoma manera batimento iregular di curason.

Enkel-Brachial Index

Enkel-Brachial Index (Enkel-Arm Index) ta compara presion di sanger den e enkel cu e brasa pa controla pa malesa di arteria periferico y evalua circulacion den e pianan di e pashent.

Spirometria

Spirometria ta midi funcion di pulmon door di evalua cuantu y con lihe bo por hala rosea afo. Nos ta haci esaki pa diagnostica condicion respiratorio, manera asma of COPD, y pa monitor salud y tratamento di pulmon.

Medicina di Biahe (Travel Medicine)

Medicina di biahe ta duna conseho y vacunacion pa un biahe safe, atende cu riesgonan di salud manera malesanan y infeccion specifico pa bo destinacion. Nos ta ofrece esaki pa garantisa bo salud y seguridad durante biahenan internacional.